Dekkjahöllin er framúrskarandi fyrirtæki fjórða árið í röð
14.02.2014
“Við erum mjög stolt af því að hafa náð þeim árangri að vera framúrskarandi
fyrirtæki fjórða árið í röð. Við höfum lagt áherslu á hagkvæman og ábyrgan rekstur og við teljum að með
því getum við boðið viðskiptavinum okkar upp á vandaða þjónustu og vörur á betra verði en gengur og gerist, á fjórum
stöðum á landinu. Einnig álítum við mikilvægt að hafa verið eitt af þeim fyrirtækjum, sem náði að standa við
skuldbindingar sínar í gegnum undangengna efnahagskreppu án þess að láta skuldir falla á birgja, lánastofnanir eða almenning. Mér finnst
gott að starfa í slíku fyrirtæki.” segir Elín Dögg Gunnarsdóttir, rekstrarstjóri Dekkjahallarinnar.
Árlega vinnur Creditinfo ítarlega greiningu sem sýnir hvaða
íslensk fyrirtæki fá bestu einkunn í styrk- og stöðugleikamati félagsins. Nánari
upplýsingar og listann er hægt að nálgast hér.
