Karfan er tóm.
Continental VikingContact 8 sigurvegari vetrardekkjakönnunar 2025
22.10.2025
Samkvæmt nýjustu vetrardekkjakönnun norska bifreiðaeigendafélagsins (NAF) 2025, sem er systurfélag Félags íslenskra bifreiðaeigenda (FÍB), er Continental VikingContact 8 eitt allra besta naglalausa vetrardekkið á markaðnum í dag.
Könnunin var framkvæmd við raunverulegar vetraraðstæður í Svíþjóð og Finnlandi, þar sem grip, hemlunarvegalengd, stöðugleiki, orkueyðsla og veghljóð voru prófuð. Niðurstöðurnar sýndu að VikingContact 8 skarar fram úr í flestum þeim þáttum sem skipta máli fyrir ökumenn á norðlægum slóðum.
VikingContact 8 fékk hæstu einkunn fyrir ísgrip sem er lykilöryggisatriði við íslenskar vetraraðstæður. Dekkið sýndi stöðugan árangur við öll skilyrði sem prófuð voru, jafnt í þungum snjó, á ís og blautu- og þurru malbiki.
Þrátt fyrir að vera öflugt vetrardekk er VikingContact 8 einnig hljóðlátt og sparneytið. Könnunin sýnir að dekkið hefur lágt veghljóð og viðnám, sem þýðir minni orkunotkun og þægilegri akstur.
VikingContact 8 stenst strangar kröfur sem gerðar eru vegna aksturs í snjó og kulda. Að auki hefur það fengið lof frá fjölda sjálfstæðra prófunaraðila í Evrópu, meðal annars hjá Tire Reviews þar sem það var nýlega valið besta naglalausa vetrardekkið árið 2025.
Niðurstaða NAF staðfestir það sem margir íslenskir ökumenn hafa þegar upplifað: Continental VikingContact 8 er dekk sem tryggir hámarksöryggi, gott grip og áreiðanleika allan veturinn.