Nú er einn helsti tími ferðalaga og umferðin á þjóðvegum landsins er í hámarki. Áður en lagt er í ferðalagið þá er nauðsynlegt að kanna ástand dekkjanna.

Nú er einn helsti tími ferðalaga og umferðin á þjóðvegum landsins er í hámarki.  Áður en lagt er í ferðalagið þá er nauðsynlegt að kanna ástand dekkjanna.  

Munstursdýpt skiptir máli

Það skiptir gríðarlega miklu máli að vera með gott munstur eftir á dekkjunum.  Rannsóknir hafa verið gerðar á gripi dekkja í rigningu eftir því á hvaða hraða bíllinn er og hversu mikið er eftir af munstri.  Það er því mikilvægt að kanna munsturdýpt reglulega og einnig að kanna hvort að dekkin séu að slitna meira á öðrum kantinum en það getur verið vísbending um að það þurfi að hjólastilla bílinn.

Hvað á að vera mikið loft í dekkjunum?

Það skiptir miklu máli að vera með réttan loftþrýsting í dekkjunum.  Ein algengasta spurningin sem við fáum er hversu mikið loft á að vera í dekkjunum.  Framleiðandi bílsins er oftast nær með þessar upplýsingar límdar í hurðarfalsi ökumannsmegin eða þá í bensínloki.  Einnig er hægt að koma við á þjónustustöðvum okkar og við aðstoðum þig og mælum loftþrýstinginn.  Mikilvægt er að kanna loftþrýstinginn reglulega og góð regla er að kanna hann áður en lagt er í hann.  Réttur loftþrýstingur tryggir ekki aðeins mýkri ferð heldur tryggir sem lengstan líftíma dekkjanna.  Taflan hér fyrir neðan sýnir hversu fljótari dekkin eru að eyðast ef loftþrýstingurinn er rangur.

Góða ferð